Till innehåll på sidan

Om MSB på Lulesamiska

Sebrudaksuodje ja gárvesvuohta fábmudahka, MSB:an, la åvdåsvásstádus doarjotjit sebrudagá gárvesvuodav vahágijda, hiedijda ja doaro tjuovvusijda. Lájddiduvvap. generalladirektöras mij ráddidusás nammaduvvá. Bájkoj 1 000 bargge lip Karlstádan, Kristinehámnan, Stockholman, Sandöan, Revingen ja Rosersbergan.

Ássje maj MSB:a sierraláhkáj ednagit barggá li gádjomdievnastus, vahákhierediddje barggo, hiehtegárvesvuohta, sivijlla várjjo, sybernanosvuohta ja nanos kommunikasjåvnå. Giehtadallap aj hiedijt ma dáhpájduvvi ja tjadádip rijkajgasskasasj dagojt. MSB:an la gárvesvuohta idjabiejve, birra jagev dåjmadittjat jus juoga sjaddá mijá rijkan jali ålggorijkan.

Vuorbástuvátjit mijá dahkamusájn de lip tjanádum iehtjádijda– kommuvna, lánndadikke, lenastivra, fábmudagá, organisasjåvnå, aktugattja – gájkajn la åvdåsvásstádus ja lájddip ja doarjjop gånnå l dárbulasj. Dahkap dav åhpadusájn, hárjjidallamijn, rádevaddemijn, njuolgadusáj ja biednigahttem dårjajn.

MSB:a tjalmostahttá binnedit vádájt ja rasjesvuodav sebrudagán. Guoradallap dánen mij márjju dáhpájduvvá ja plánip dajt garvvet. Åvdedip, nannodip, aktijdip ja vaddep åvdedimulmev sebrudagá máhttudahkaj giehtadallat ma huoman dáhpájduvvi. Dárbulasj gehtjadimev oadtjop iehtjádij siegen gå åvdedip tjoahkkidum rijkalasj vidjurijt. Muhttijn dárbahuvvi duodde nanustahttema nåv gåk helikopterdoarjja jali ássjedåbddedoarjja. MSB:an la dalloj moattelágásj nanustahttemluohko ja máhttelisvuohta åttjudit ábnnasijt ja barggijt.

MSB:a doajmmá aj ålggorijkan gájotjit hekkajt ja giehpedit niedav hiehte- ja doarrodejvadum rijkajn ja åvdedittjat ietjá rijkaj máhttudagáv hiedijt hieredit.

Gå moattes dáhpájdusás guoskadalli de guládallam la ájnas. Guládalá måttijn webbabielijn ja sosiálamediajn ja ålediddje mediajda de gähttjalip aktavuodav válldet nåv ållosij gå máhttelis ájnas diededimjn. Miján li aj värmmádagá ietjá fábmudagáj gånna aktidip mijá diedojt.
Vahágij ja hiedij maŋŋela l ájnas åtsådit mij la dáhpájduvvam ja máhttudagáv dajs oadtjot. Åtsådallam, statistijkka ja árvustallama li buojkulvisá gåktu MSB:a dav dahká.

Senast granskad: 29 juli 2019

Kontakta

När du skickar in formuläret kommer vi att behandla dina personuppgifter för att utföra den uppgift som formuläret avser. Tänk på att det du skickar in kan bli en allmän handling.

Till toppen av sidan