Till innehåll på sidan

Om MSB på Sydsamiska

Myndigheten för samhällsskydd och beredskap, MSB / Åejvieladtje siebriedahkevaarjelimmie jïh riejriesvoeten åvteste, dïedtem åtna siebriedahken riejriesvoetem dåarjodh ovlæhkoej, krijsi jïh konsekveensi dåaroste åvteste. Mijjen åejvie lea generaldirektööre mij reerenasse nommedahta. Mijjieh medtie 1 200 barkijh Karlstadesne, Kristinehamnesne, Stockholmesne, Sandösne, Revingesne jïh Rosersbergesne.

Dah gyhtjelassh mejgujmie MSB jïjnje barka lea berkemedïenesjinie, riejriesvoetine ovlæhkoej vööste, krijseryöjrehtimmine, sivijlen vaarjelimmine, cybervihtiesvoetine jïh vihties kommunikasjovnigujmie. Mijjieh aaj gïetedibie krijsh mah sjidtieh jïh internasjonaalen barkoej tjïrrehtibie. MSB riejriesvoetem åtna abpe dygnem, abpe jaepiem guktie maahta maam akt darjodh jis maam akt deahpadidh daesnie jallh ålkone veartanisnie.

Mijjieh mubpide daarpesjibie jis maehtebe mijjien barkoem darjodh – tjïelth, laantedigkieh, leeneståvroeh, åejvieladtjh, organisasjovnh, aktegs almetje – gaajhkh sov dïedtem åtna jïh mijjieh ståvrobe jïh dåarjobe gusnie akt daarpesjidh. Dam mijjieh darjobe ööhpehtimmine, haarjanimmine, raeriejgujmie, njoelkedassine jïh beetnehvierhtine.

MSB fokusem åtna vaahrah jïh viesjiesvoeth siebriedahkesne vaeniedidh. Dan gaavhtan mijjieh goerehtibie maam maahtah deahpadidh jïh soejkesjidh guktie ij deahpedh. Mijjieh evtiedibie, nænnoestibie, ektiedibie jïh vuesiehtibie siebriedahken maahtoem dam gïetedidh jis dïhte deahpadidh. Dïhte daerpies bijjievuajnoe åadtjobe gaskem jeatjah tjåanghkenamme nasjonaale bijjieguvvieh darjodh. Muvhtene daarpesje lissie tjïrkesvoeth goh helikopteredåarjoeh jallh ekspertedåarjoeh. Dellie MSB åtna gellie ovmessie såarhth lissievierhtieh jïh aaj åtna materijaalh jïh barkijh.

MSB aaj veartanisnie barka jielemh berkedh jïh nïerine viehkiehtidh krijsesne jïh dåarojne laantine jïh jeatjah laanth viehkiehtidh krijsh åvtelhbodti vuekine barkedh.

Gosse deahpadimmie jïjnjh almetjh tsavtsa lea kommunikasjovne vihkeles. Mijjieh voejhkelibie dan jïjnjh goh maehtebe govlesadtedh sjyöhtehke bïevnesigujmie gellie ovmessie webbesijjiej jïh sosijaale mediji tjïrrh govlesadtedh jïh medije maehtieh mijjine govlesadtedh. Mijjieh aaj gaskeviermiem utnebe mubpiej åejvieladtjigujmie gusnie mijjien dïjrem ektiedibie.

Ovlæhkoej jïh krijsi mænngan vihkeles goerehtidh maam lea deahpadamme jïh destie lïeredh. Dotkeme, statistihke jïh vuarjasjimmieh leah vuesiehtimmieh guktie MSB daam dorje.

Senast granskad: 4 november 2022

Till toppen av sidan