Bašo Vlasti bašo sarinipeskoro arakhibe hem pripremibe (Myndigheten för samhällsskydd och beredskap, MSB)

Amen čeraja buti zajedno keda ovela diso

Keda ovela diso mora sa o organizacije ko sarinipe te keren buti zajedno. Amen keraja buti maškar o javera e komunencar, regionencar, oblasnovlastencar (Länstirelser) hem javere vlastencar. Amen hem dikhaja te šaj ola te keren buti jekh javereja. Keda ovela diso amen pomožinaja ko sakova vreme dive-rat. Amen pomožinaja eksperencar, personaleja ja pale matrijaleja sar soj o jagačhavibaskoro cevo ja pale poplavibaskere bariere.

Keda ovela diso tegani tano važno sarinenge te del pe isto zorakerdi informacija. Amen isi poviše razna webbthana hem socijalna medie kori so amen mothovaja bašo odova so ulo hem so šaj te čere.

Amen sikljovaja taro odova so ulo

Pali jek nesreča ja pale kriza, važnoj te dikhel pe soj odova so ulo hem te sikljol pe taro odova. Amen odova keraja e istražibaja, statistikaja hem procenibaja.

Amen pomožinaja e sarinipe te kerel pošukar buti e nesrečencar, krizencar hem maribencar

• Amen daja godi e javere organizacienge sar ola te mislinen hem te keren kaj te šaj o sarinipe te ovel pošukar ko keribe buti e krizencar hem maribencar.
• Amen daja godi e Švedijakere gradžanenge maškar o javera buča dindor i brošura ”Te uli kriza ja pale maribe”. Othe vakerela pe sar manušm sar prifatno dženo trebela te mislinel hem te kerel kaj te šaj te del plo kotor te šaj o sarinipe te ovel pošukar ko keribe buti e krizencar hem maribencar.
• Amen keraja te ovel pošukar o sibersigurnost, mangel te phenel pe o siguripe baši digitalikani informacija.
• Amen odgovorinaja baši sigurno komunikacijakoro sistemi kova so kerela o organizacije te šaj te vakeren jekh javereja hem te ulaven informacija bizo te šaj javer džiko bizo pravo te džanel so vakeraja.
• Amen pomožinaja e spasibaskere servize hem školujnaja maškar o javera e manušen so ačhavena jaga.
• Amen pomožinaja hem javere Phuvjen te dikhen te na oven olen nesreče.

Amen čeraja buti ko razna thana

Amen so keraja buti ko MSB siam komaj 1200 džene. Amen sijam ki Karlstad, Kristinehamn, ko Stockholm, Sandö, Revinge hem Rosersberg. Amaro šeffi, ja pale hem sar so vakerela pe generalno direktori ovela čhivdo kotar i vlada.